泰國 eSIM・電話卡方案
先揀數據點計（每日定量／總量型／無限），再揀行程日數；唔篩選就見晒全部。
用 eSIM 去泰國嘅好處
落地前已開通
付款後 QR Code 即時到手，出發前安裝好，一落機開漫遊即刻上網。
保留原有號碼
eSIM 同你原本嘅 SIM 卡並行，WhatsApp／SMS 照收，唔使拆卡。
港幣結算冇伏
明碼實價港幣付款，FPS、PayMe、支付寶、信用卡都得，冇匯率手續費。
香港公司直營
anlander 官方直營，有問題本地團隊真人跟進，唔使同海外客服雞同鴨講。
每日定量 vs 總量型，點揀？
日日回滿，適合長行程
例如每日 1GB／2GB，用完當日降速，第二日自動回滿。日日睇地圖、傾偈、碌社交好夾。
一個池，適合彈性用量
例如 7 日 10GB 成個行程共用。某幾日睇片用多啲、某幾日唔出街用少啲，自由調配。
唔想計數就揀佢
用量無上限（部分為 XGB 後降速無限），成日開熱點、睇 YouTube 唔使諗。
簡單 3 步，去泰國前搞掂
揀方案付款
按數據點計同日數揀方案，選擇 eSIM 或實體卡，港幣付款。
安裝 eSIM
用手機相機掃訂單頁／電郵嘅 QR Code，跟指示幾步安裝好。
抵達泰國即上網
落地開啟該 eSIM 嘅數據漫遊，自動連接當地網絡。
泰國 eSIM 常見問題
「每日 1GB」同「總量 10GB」有咩分別？
每日型每日俾你一個定額（例如 1GB），用完當日會降速，第二日自動回滿，適合日日都要用、行程較長。總量型係成個行程共用一個池（例如 7 日 10GB），你可以某日用多啲某日用少啲，用完就要另買。
泰國 eSIM 幾時開通？
付款成功後系統即時自動開通，一般 30 秒內完成。QR Code 會顯示喺訂單頁，同時發送到你嘅電郵。建議出發前安裝好，抵達泰國後開啟數據漫遊即可使用。
我部手機支唔支援 eSIM？
iPhone XS 或之後、大部分近年 Samsung／Google Pixel 都支援。可以喺手機設定搵「加入 eSIM」確認。唔支援嘅話可以揀實體卡，我哋香港郵寄俾你。
方案日數點計？
日數由 eSIM 喺泰國啟用（首次連網）嗰日起計，唔係購買日。所以早幾日買定都得。
可唔可以分享熱點？
大部分方案支援熱點分享，可以同同行親友一齊用。詳細以個別方案說明為準。
實體卡幾耐寄到？
付款後我哋安排香港本地郵寄（免郵費），寄出後你會收到附追蹤編號嘅電郵，一般 1–3 個工作天寄到。
有咩付款方式？
全部價錢以港幣結算，經 KPay 安全支付：FPS、PayMe、支付寶、微信支付、Visa／Mastercard。
