三種方式嘅本質分別
呢三樣嘢解決嘅係同一個問題，但機制完全唔同，所以適合嘅人亦唔同。
旅遊 eSIM／上網卡：你直接買咗當地電訊商（或者佢嘅批發夥伴）一個數據套餐，裝落自己部手機。一部機一張卡，落地即用。
Pocket Wi-Fi：租一部有 SIM 卡嘅隨身路由器，佢連當地網絡，再放個 Wi-Fi 熱點畀你嘅裝置用。多部機共用一條線。
電訊商漫遊：用返你原本張香港卡，喺當地經漫遊協議連當地網絡，帳單返返嚟香港。
逐項比較
旅遊 eSIM · Pocket Wi-Fi · 電訊商漫遊
要唔要換卡
唔使（雙卡並存） · 唔使 · 唔使
要唔要攞機／還機
唔使 · 要（機場或速遞） · 唔使
要唔要充電
唔使 · 要（多帶一件嘢充） · 唔使
幾多部機用到
一部（除非開熱點） · 多部共用 · 一部
同行分開行動
各自有卡，冇問題 · 行開就冇網 · 各自有卡
用超咗會點
降速或者停，唔會爆數 · 降速 · 視乎計劃，有機會爆數
部機唔支援點算
改買實體 SIM 卡 · 冇影響 · 冇影響
邊種人適合邊一種
- 自己一個或者兩個人、行程各自行動 → eSIM。冇機要攞、冇嘢要還、唔會因為分開走而斷網。
- 一家幾口、成日一齊行、仲要帶埋平板同相機 → Pocket Wi-Fi 有機會抵啲，一部機餵幾件嘢。但要記住成日要一齊行。
- 去一兩日、公司找數、唔想煩 → 漫遊最省事。留意日費計劃嘅公平使用條款。
- 部機唔支援 eSIM → 買實體 SIM 卡，功能同 eSIM 一樣，只係要提早收貨。
揀 eSIM 最常犯嘅三個錯
- 落地先裝。QR Code 要有網先掃到 —— 冇網就裝唔到，裝唔到就冇網。一定要喺香港有 Wi-Fi 嗰陣先裝好。
- 冇開數據漫遊。旅遊 eSIM 技術上係「漫遊」，喺設定入面唔開就上唔到網。呢個係頭號求助原因。
- 冇關原本張卡嘅漫遊。裝咗旅遊 eSIM 之後，記住將「流動數據」指去新卡，同時關閉原本張卡嘅數據漫遊，否則有機會兩邊都收錢。
揀好咗就落單
喺目的地頁可以按套餐類型、日數、流量、當地電訊商同品牌篩選，港幣明碼實價。eSIM 付款後即時開通，實體卡香港郵寄。
